Uragani Irma, stuhia më e fuqishme e Atlantikut ka goditur ishujt e Karaibeve, ndërkohë që zyrtarët paralajmërojnë për efekte edhe me katastrofike.

Uragani Irma ka përhapur shkatërrim në mbarë Karaibet, duke rrënuar ndërtesat dhe duke lënë të paktën shtatë viktima. Uragani është shndërruar në një stuhi të kategorisë së pestë, duke u konsideruar nga sinoptikanët si një stuhi "jashtëzakonisht e rrezikshme", me erëra që arrijnë deri në 250 kilometra në orë.

Nuk dihet ende me saktësi se çfarë impakti mund të ketë Irma në tokën kontinentale amerikane, por zyrtarët presin që ajo të godasë Floridën.