Olti Curri mes dhjetëra ironive të personazheve të ndryshëm të postuara në faqet e tij, postoi  edhe një “kushtuar”  këngës së fundit të Elvana Gjatës “Lejla”.  Disa lopë të ulura në një fushë dhe njëra prej tyre e gjitha në ngjyrë lejla.  Më pas kanë ardhur reagime të ndryshme nga komentuesit të cilët e morën këtë postim të tekstshkruesit si një ofendim ndaj Elvana Gjatës duke i bërë edhe tag emrin kësaj të fundit.

Por nuk ka vonuar edhe kundërpërgjigjia e Oltit nëpërmjet një tjetër postimi ku sqaronte se nuk kishte asgjë personale me Elvana Gjatën, madje e quante mikeshë dhe këngëtare të mirë.

“Nuk ka postim që mund të ulë vlerat e një artisteje që e dua fort, dhe që ndryshe nga shumë kolegë në këtë biznes, është e para që më përgëzon për tekstet e këngëve që shkruaj, gjë që shpesh harrojnë ta bëjnë edhe këngëtarë miq shumë të ngushtë”, thotë ai ndër të tjera.