Faza e post-ndarjes nuk po rezulton edhe aq e vështirë për Tom Hiddleston. Madje duhet thënë se lidhja e tij me Taylor Swift ndoshta i dha një shtysë të mirë për të qenë më në qendër të vëmendjes së shumë kompanive të mëdha. Së fundmi ka qenë shtëpia e famshme italiane e modës Gucci që e ka përzgjedhur aktorin për të qenë imazhi i fushatës së 2017-tës, e quajtur “Cruise”. Veshur me kostume klasike dhe shoqëruar nga 2 qen aristokrat afgan, Tom duket sikur ka dalë nga librat e historisë. Kujtojmë se 35-vjeçari është njëkohësisht edhe pretendenti kryesor për të luajtur serinë e re të Agjentit 007!