Perrie Edwards ka konfirmuar romancën e saj me futbollistin e Arsenal, Alex Oxlade-Chamberlain. Këngëtarja 23 vjeçare zgjodhi Instagram-in për të thyer heshtjen rreth lidhjes së saj, teksa postoi një foto me yllin e Arsenal përpara Kullës Eiffel, duke u puthur. Fotoja grumbulloi mbi 150k pëlqime në më pak se një orë, dhe Perrie gëzoi fansat e saj pasi bëri publike dashurinë e saj, pavarësisht zërave që qarkullonin se ata janë të ndarë. 

Perrie Edwards, e cila më parë ka qenë në një marrëdhënie më Zayn Malik, duket më e dashuruar se kurrë me Chamberlain, dhe këtë e tregon më së miri, kjo foto e realizuar në Kullën Eiffel e cila shkëlqen, ashtu si dashuria e tyre, duke e bërë edhe më perfekte skenën e tyre romantike.