Rio Ferdinand ka folur për vdekjen e gruas së tij Rebecca dhe jeta me 3 fëmijët e vegjël pasi mamaja e tyre ndërroi jetë në moshën 34 vjeçare. Duke u përgjigjur për revistën The Times, ish-mbrojtësi i kombëtares angleze tregoi se humbja e gruas së tij në mars të vitit 2015 për  shkak të kancerit të gjoksit ia ktheu jetën përmbys. Ai kishte frikë se nuk do të lidhej dot më me fëmijët e tij dhe filloi të pinte shumë alkool për të mpirë dhimbjen. Rio, sot 38 vjeçar, rrëfen se ka shkuar deri aty sa ka logjikuar për një periudhë të gjatë vetëvrasjen, të cilën për fat të mirë nuk e ndërmori kurrë si veprim.