Mbase lajmi që ata të dy janë rikthyer me njëri-tjetrin dhe u fejuan në një mënyrë të papritur na ka shokuar pak të gjithëve, por nëse kthejmë kohën pas dhe analizojmë historinë e tyre të dashurisë dalim në konkluzionin se ata ishin të destinuar për njëri-tjetrin. Kjo gjë është bërë sot në emisionin “Fun Day” me moderatoren Fatma Methasani, ku janë treguar detaje të hollësishme të marrëdhenies dhe historisë së tyre. 

1. Ata janë takuar për herë të parë në vitin 2009, pra afërsisht 10 vite para. Ka qenë babi i modeles, aktori Stephen Baldwin i cili i ka prezantuar në fillim.

2. Pas atij moment, Hailey filloi që të flirtonte me Justin në twitter dhe të kujtojnë me të qeshur momentin se si ishin njohur

3. Ndërkohë në vitin 2014 qarkulluan thashethemet e para se Justin dhe Hailey ishin bashkë edhe pse ata ishin miq prej shumë kohësh. Ata të dy e mohuan duke thënë se janë vetëm miq dhe e kanë sqaruar këtë në rrjetet sociale.

4. Në vitin 2015 ata postonin foto dhe video bashkë në Instagram dhe rrjetet e tjera sociale.

5. Në qershor të vitit 2015 ata shkojnë për herë të parë bashkë me pushime në Miami ku ishte dhe familja e Justin. Ai postoi nje foto dhe e quajti ‘një dhe e vetmja’ që atëherë.

6. Në janar të 2016 ata i japin fund dyshimeve dhe postojnë foto duke u puthur bashkë duke konfirmuar lidhjen.

7.Në shkurt të vitit 2016 Justin flet për herë të parë për Hailey në një intervistë dhe që atëherë përmend martesën me të. “Ajo është dikush që unë e dua vërtetë dhe kalojmë shumë kohë bashkë. Nuk dua që ta lëndoj asnjëherë atë” është shprehur ai. Justin ka shtuar se nuk do të ishte çudi nëse ai do të martohej me të ndonjë ditë.

8. Në gusht Justin i bën unfollow Hailey dhe Selenës dhe del me Sofia Richie.

9. Në 2017 Justin rikthehet sërish me Selenën, pasi ajo ishte ndarë me The Weeknd. Ata u panë së bashku dhe duke bërë shëtitje me biçikletë. Hailey në atë periudhë flitej se po dilte me Shawn Mendes.

10. Justin dhe Selena ndahen përfundimisht në mars të këtij viti.

11. Në maj të 2018 ai filloi të dilte sërish me Hailey dhe gjërat e tyre po rridhnin në një mënyrë shumë romantike derisa e bënë publike marrëdhënien e tyre që shkoi deri në fejesë.

12. 7 korrik del lajmi se Justin dhe Hailey janë fejuar. Të dy e kanë pranuar në rrjetet sociale dhe janë shprehur shumë të dashuruar dhe të lumtur që do të kalojnë jetën bashkë.