Ai është padyshim një prej moderatorëve më të mirë shqiptarë dhe sigurisht një prej më të dashurve për publikun.

Por prej kohësh nuk e kemi pare shumë aktiv në ekranin e televizionit.

Hera e fundit kur ai u shfaq ishte dhjetorin e vitit të kaluar në prezantimin e festivalit të këngës në RTSH.

Mirëpo disa foto të shkrepura nga Gazeta Express na tregojnë se në sezonin e ri televiziv në shtator, Krastën do ta shohim sërish në ekran.

Burime për Gazeta Express bëjnë të ditur se Krasta do të rikthehet me formatin e tij të njohur “Krasta Show”, dhe gjithashtu flitet se mund të ketë dy emisione në këtë ekran.

Moderatori është fotografuar në ambientet e “News 24” ku pritet ta shohim së shpejti.