Duke kërkuar për një atdhe të ri ku sundon ligji Sharia, një numër xhihadistësh shqiptarëve morën gratë dhe fëmijët e tyre dhe u nisën drejt Sirisë për të luftuar për al-Kaedës dhe ISIS-in.

Dokumentet e siguruara nga BIRN konfirmojnë se 13 gra dhe 31 fëmijë, duke përfshirë edhe 23 të mitur, u zhvendosën në Siri, disa nga të cilët, janë tashmë jetimë sepse prindërit e tyre janë zhdukur dhe po mbahen peng nga xhihadistet, qe i kanë ndaluar te kthehen në shtëpi.

Dosjet shpjegojnë se gratë dhe fëmijët e xhihadistëve jetojnë në kampe, ndërsa burrat të luftojnë në vijën e frontit.

Familjet u nisën për në Siri në vitin 2012 dhe 2014, sipas dosjeve hetimore nga Prokuroria e Shqipërisë për Krime të Rënda, të hetuara nga BIRN.