Një video është publikuar nga ISIS ku shfaqet momenti i shpërthimit të dy autobombave në një treg në kryeqytetin e Irakut, Bagdad. Në video shfaqen dy shpërthimet ku humbën jetën 27 persona dhe u plagosën më shumë se 50 të tjerë.

Ndërkohë të dielën një tjetër shpërthim ka ndodhur në një pikë kontrolli të policisë irakiane, ku kanë humbur jetë 7 persona.

Një policë i cili ishte në vendngjarje është shprehur se fillimisht shpërtheu një bombë që ishte vendosur në anë të rrugës dhe më pas një kamikaz hodhi veten në erë, shkruan Express. Për këtë sulm, asnjë organizatë terroriste nuk ka marrë përsipër përgjegjësinë.