Shteti italian ka vendosur që kushdo të bëjë bashkim familjar në 2018 duhet të ketë të ardhura minimale vjetore 8.8 mijë euro, e këtu bëhet fjalë për të tërhequr vetëm një person. Për më shumë familjarë shifra rritet. Për bashkim me dy familjarë duhet të keni të paktë 11.778, euro të ardhura vjetore ose rreth 1 mijë euro mujore. Për bashkim me 3 familjarë 14.722 euro e për me 4 17.667 euro.

Në regullat e reja bazuar në Tekstin Unik për Emigracionin, i cili bazohet në Institutin Nacional për Sigurimin Social, parashikohet se kush kërkon bashkim familjar të ketë “të ardhura minimale vjetore nga burime të ligjshme jo më të ulëta se çeku social, plus gjysmën e shumës së çekut për çdo familjar që do të sillet në Itali. Aktuliasht çeku social është vendosur në janar të 2018 në shifrën e  5.889 euro.