Olsi Bylyku dhe Lorenc Hasrama morën sot çmimin “Magjia e parë” me këngën “Si të flas” në edicionin e njëzetë të “Kënga Magjike”. Pasi falenderuan të gjithë për çmimin, Arditi zbuloi se Olsi ishte përlotur në prapaskenë.

“Në prapaskenë kishte shumë tension në lidhje me çmimin për artistin e ri më të mirë dhe pasi kaloi Uendi, shoh Olsin të ulur në një karrige që shihte lart. Ne nuk i kishim thënë çfarë kishte ndodhur dhe iu afrova dhe i thashë:

‘Mos u mërzisni dhe bëhuni gati të performoni!’ Dhe e dini ç’ndodhi? Iu mbushën sytë me lot” – tha Arditit Gjebrea.

“Më bëhet qejfi për Uendin, por më vinte keq për veten. Nuk ma merrte mendja se do të kaloja emocione të tilla dhe të mos merrja çmim” – u shpreh Olsi Bylyku.

Ndërsa i pyetur nga “Iconstyle.al” Olsi u shpreh: “U emocionova sepse nuk ishte e llogaritme kjo gjë, ishte komplet jashtë skenarit”.