Një listë pagash e zbuluar nga Komuna e Tetovës është cilësuar skandal.

Thuhet se lista përmban emra, të cilët janë paguar pa dhënë asnjë kontribut.

Në mesin e tyre figuron edhe emri i këngëtarit të njohur, Selami Kolonja.

Sipas pretendimeve, nëse këngëtarj ka pasur kontratë 12 muaj bashkë me tre emra të tjerë që figurojnë bashkë me të, i bie që Selami Kolonja ka marrë nga komuna e Tetovës 12 muaj nga 30 mijë denarë bëjnë 360 mijë denarë vetëm ai.

Pas publikimit të lajmeve ka reaguar vet artisti duke mohuar pretendimet dhe duke zbuluar shumën e vërtetë dhe arsyen pse u pagua nga Komuna.

“Të nderuar ,kohëve të fundit nëpër portale dhe nga njerëz dashakeq të zhytur në politikë me pretendime dhe pa kod etik e moral ,të pa informuar saktë , është lakuar emri im se gjoja unë dhe familja ime paskemi marrë rroga mujore nga Komuna e Tetovës për ndonjë aktivitet të imagjinuar !

Kjo është e pa vërtetë dhe e vërteta qëndron krejtësisht ndryshe !

Për një mega koncert me krijimtarinë time artistike ( 19 06.2021 live )që unë dhe ekipi im në javën kulturore Tetovare i ofruam publikut,ne morëm nga Komuna honorarin modest që ishim dakordësuar, gjë që shum leht zbulohet nga listat që po qarkullojnë ! Për tua hequr merakun ,honorari që kemi marrë ka qënë më i vogël se një këngëtar (e) që merr nëpër dasma ( solo pa orkestër ) pra 3000 euro,gjë që lehtë mund të dëshmohet nga historiku i të hyrave bankare ose parave të destinuara nga Komuna !

Andaj ju “gazetarë” portalesh bëni mirë që lajmin fillimisht hulumtoni, ta verifikoni e mandej ta publikoni !

Nuk është profesionale as etike as morale të publikosh lajm me hamendje !

Për gjith këtë që thash më lartë jam gatshëm të dëshmoj jo vetëm përpara organeve të drejtësisë , por edhe para Zotit!

Me respekt Selami Kolonja”