Jennifer Lopez fitoi për herë të parë çmimin People’s Choice Award ditën e djeshme në Los Angeles. Dhe bukuroshja 47 vjeçare natyrisht që nuk mund të linte pas dore anën e saj latine duke falenderuar si në anglisht edhe në spanjisht, njerëzit e saj ose siç tha dhe ajo vetë “mi gente”. Lopez triumfoi si “Aktorja e Preferuar në një Serial Dramatik Kriminal” për portretizimin e detektives Harlee Santos në serialin Shades of Blue. Nuk ishte dhe aq e thjeshtë të rrëmbeje këtë çmim në një kategori ku rivalet e saj ishin emra si Sophia Bush, Lucy Liu, Pauley Perrette dhe Mariska Hargitay. Por ajo është J.Lo dhe përsëri ia doli, edhe pse ishte vetëm fitorja e saj e parë në 8 nominime që ka marrë.