Nuk ndalojnë si çdo javë votimet e lexuesve të intv.al për 10 këngët e preferuara shqip, madje çdo javë e më shumë bëhen edhe më intensive. Dhe e gjithë “lufta”përqëndrohet te 3 vendet e para, ku nga java në javë, ndodh rokada. Bashkëpunimi i suksesshëm i Enca dhe Noizyt, i ka marrë vendin e parë, këngës shumë të pëlqyer “E jona” të Butrint Imerit, duke e kaluar atë në vendin e 2-të. Ajo çka bie në sy është ngjitja e plot 5 shkallëve nga java e kaluar e Florit me Ledrin, me këngën e tyre “Beautiful”, këngë kjo që u kthye menjëherë në sensacion për dëgjuesit. Mirëpo vend në 10 këngët më të preferuara të lexuesve të intv.al, ka gjetur edhe bashkëpunimi tjetër mes dy artistëve, pikërisht “Nuk ma la”, duke u renditur në vendin e 6-të, një pozicion shumë komod për ta, duke u bërë kështu artistët e vetëm me 2 këngë në listë.  Edhe na e dina, që projekti i Samantës me këngëtarin e talentuar Gent Fatali, do të jetë gjatë në Top List, dhe ashtu si javën e kaluar, pozicionohet në vendin e 4-ërt. Ashtu si çdo herë, edhe këtë javë një këngë e Alban Skënderaj ndodhet në Top 10, “Engjell” renditet e 5-ta.  Listës me 10 këngët më të preferuara nuk mund ti mungonte as kënga më e re e Elvana Gjatës “Njësoj”, këngë e cila mban vendin e 7-të. Për javë me rradhë, “Bongo”e Capital T ft Dhurata Dora, dhe “Na” e Dafina Zeqirit ft Kaos, kanë qenë në listën e 10 këngëve më preferuara nga lexuesit e intv.al, duke u pozicionuar përkatësisht në vendin e 8-të dhe të 9-të. Listës i shtohet edhe projekti i sapo nxjerrë nga furra i Gjikos “Mos ma përzij”, duke u renditur kështu në vendin e 10-të.

Ky është klasifikimi i plotë:

10 - Mos ma Perzij - Gjiko

9 - NA - Dafina Zeqiri ft. Kaos

8 - Bongo - Capital T & Dhurata Dora

7 - Njesoj - Elvana Gjata

6 - Nuk ma la - Ledri Vula ft. Flori Mumajesi

5 - Engjell - Alban Skenderaj

4 - Na e dina - Samanta ft. Gent Fatali

3 - Beautiful - Flori Mumajesi ft. Ledri Vula

2 - E jona - Butrint Imeri

1 - Bow Down - Enca ft. Noizy ⁠⁠⁠⁠

Vazhdoni të votoni për të thënë fjalën tuaj në renditjen e 10 këngëve të preferuara shqip të javës, një Top 10 që mund ta ndiqni cdo javë me Fatmën, cdo të premte në 16:00 në Fun Day dhe çdo të diel në 10:00 në IN Radio 105.7.