Gjatë ditës kryejmë aktivitete të ndryshme, shpenzojmë energji,  e si pasojë ndihemi të lodhur. Mirëpo ndodh që lodhemi edhe pa bërë asgjë, dhe për këtë fakt ka disa faktorë që mund të bëhen shkak i kësaj lodhjeje:

Mungesa e hekurit

Mungesa e hekurit do të thotë se keni pak hekur në trup, kjo do të thotë se më pak oksigjen do të arrijë tek muskujt tuaj dhe si rezultat i kësaj, qelizat do t’ju bëjnë të ndjeheni më të lodhur tërë kohën. Kjo gjithashtu mund t’iu çojë edhe tek anemia. Prandaj, hani ushqime të cilat përmbajnë sasi të mjaftueshme të hekurit.

Varësia ndaj kafes

Është fakt i njohur se kafeja, e cila përmban sasi të larta të kafeinës, ju mban zgjuar për periudha më të gjata. Por, asnjëherë nuk duhet ta konsumoni më shumë se ç’duhet pasi do të çrregulloni gjumin.

Shpenzimi i kohës në celular apo internet

Mungesa e gjumit është ndër arsyet kyçe se përse do të ndjeheni të lodhur ditën tjetër. Celulari dhe laptopi duhet fajësuar për këtë, pasi drita e tyre e çrregullon sistemin e gjumit dhe pengon në proceset normale të trupit.

Shmangia e mëngjesit

Mëngjesi është vakti më i rëndësishëm i ditës. Nëse jeni ndër ata persona që e shmangin mëngjesin, atëherë mundësitë janë të mëdha që  të ndjeheni të lodhur gjatë tërë ditës. Mëngjesi juaj duhet të jetë kombinim i karbohidrateve me proteina dhe yndyra.

Dehidratimi

Nuk ka ndonjë dyshim se uji është ndër elementet më të rëndësishme në jetët tona. Dehidratimi është ndër arsyet tjera kryesore prapa lodhjes. Veç kësaj, kur trupi ka mungesë uji, ai e zvogëlon volumin e gjakut në arterie. Kjo gjë çon në zvogëlimin e shpejtësisë me të cilën oksigjeni arrin në pjesët e ndryshme të trupit.