Drejtuesi i emisionit “Tonight Show”, Jimmy Fallon, i cili në studion e tij kishte të ftuar kishte kandidatin e republikanëve për president Donald Trump, i ka kërkuar atij të bëj një “budallallëk” me të, pasi që herën tjetër që do t’i vijë në emision ai do të jetë president.

“S’po më pëlqen se si tingëllon kjo që po e thua”, ka thënë Trump, para se Fallon t’i kërkonte që t’ia prishte flokët.

“Përgjigjja është po, mund të mi prishësh flokët”.

Ndërsa Trump njihet si shumë i kujdesshëm ndaj flokëve e tij, ai ka buzëqeshur pas kësaj që i bëri Fallon.