Tirana është në buzë të greminës. 35 pikë pikë dhe dy përballje të vështira përpara. Megjithatë bardheblutë e kanë në dorë vetë fatin e tyre. Për të shpëtuar i duhen  dy fitore, rezultate të cilat do të snobonin të gjitha llogaritë e kundërshtarëve. Pavarësisht kombinimeve të rezultateve të tjera, me 6 pikë në dy javë dhe 41 në total Tirana do të shpëtonte.

Në rastin se bardheblutë do të marrin minimalisht 4 pikë, për të shpëtuar duhet që Laçi të mos marrë më tepër se 3 pikë në dy ndeshjet e fundit dhe Teuta të mos marrë më tepër se 2 pikë.

Në rast se Tirana fiton 2-0 më Luftëtarin dhe fiton në Shkodër, nëse Flamurtari nuk merr pikë më tepër se 4 pikë, bardheblutë do të kapnin vëndin e katërt dhe zyrtarisht duke qenë se janë dhe finalist në Kupën e Shqipërisë do të siguronin Europën.

Në rast balotazhi me pikë me Luftëtarin do të siguronin vëndin e katërt për shkak bilanci pozitiv, gjithmonë nëse do të fitojnë aq sa duhet këtë fundjavë e të marrin pikë të plota në Shkodër.

Në rast balotazhi me 39 pikë me Flamurtarin dhe Laçin, është Tirana skuadra që bie për shkak të bilancit jo pozitiv në përballjet treshe.