Gazetari i The Sun, Juan Furlanich, ka bërë të ditur se ylli i Juventusit, Cristiano Ronaldo, i kishte thënë gjyqtarit se nuk kishte bërë asgjë pasi që ishte ndëshkuar me karton të kuq në debutimin në Ligën e Kampionëve me klubin e tij të ri.

Fillimisht, gjyqtari kryesor nuk e kishte parë incidentin, por pas bisedës me njërin nga gjyqtarët ndihmës, kishte vendosur ta ndëshkonte Ronaldon me karton të kuq. Ronaldo do të dënohet me një ndeshje automatikisht, pa të drejtë kundërshtimi, por mund të dënohet edhe për më shumë.

Tani, UEFA e ka konfirmuar se janë hapur procedurat disiplinore ndaj Cristiano Ronaldos pas incidentit të tij me Jeison Murillon në fitoren e Juventusit ndaj Valencias me rezultatin 2-0, dhe Ronaldo mund ta humbasë edhe ndeshjen në Old Trafford kundër ish-klubit të tij, Manchester Unitedin.