“Game of Thrones” është rikthyer dhe fansat kanë nisur të ngrenë teori dhe hipoteza se si do të jetë fundi. Pas debutimit rekord të episodit 1 të sezonit 8, ku rishfaqen historitë dhe personazhet, në të dytin “A Knight of the Seven Kingdoms” nisin përgatitjet për betejën e Dimrit të Madh.

Por, në rrjetet sociale po diskutohet për këngën që mbylli episodin, “Jenny of Oldstones”, e “Florence and the Machine”, për të cilën supozohet se në tekst ka të dhëna se si do të përfundojë seriali.

Në kanalin zyrtar të “Game of Thrones” në “YouTube” u publikua versioni i gjatë i këngës, ku ka imazhe të sezonit 8 dhe në veçanti të episodit 2.

Teksti i këngës, që dëgjohet edhe në episod e kënduar nga Podrick, është shkruar nga autorët e serialit David Benioff e D.B. Weiss, së bashku me Ramin Djwadi e George R.R. Martin.