Nuk kishte asnjë datë të planifikuar për ndeshjen më të rëndësishme e më të shumëpritur të sezonit në La Liga (Spanjë). Por sot është treguar data dhe koha e saktë të luajtjes së kësaj supersfide, që ndiqet në masë në të gjithë botën.

Barcelona-Real Madrid do të luhet të dielën e 28 tetorit, në orën 16:15. Pra, brenda një muaji e gjysmë, ekipi i Ernesto Valverde do të përballet me atë të drejtuar nga Julen Lopetegui në pasditen e hershme.

Klubi katalanas do të ketë një ditë pushim më pak për ta përgatitur këtë ndeshje, sepse do të përballet në Ligën e Kampionëve me Interin katër ditë më parë (24 tetor), ndërsa Real Madrid një ditë më shumë.