Menjëherë pas fotove intime të dyshes së yjeve duke u puthur, miliona fansa në internet pretendojnë se asgjë nuk është e vërtetë, por gjithçka është inskenuar nga skuadra e Swift dhe Hiddleston. Fotoja në dukje false, si dhe momentet kritike në karrierat e dy artistëve kanë bërë fansat të mendojnë se kjo është thjesht një lëvizje marketingu. Tom është në garë për rolin e legjendarit James Bond, ndërsa Taylor pas ndarjes me Calvin Harris po kërkon një fytyrë të re të cilit t’ia dedikojë këngët, që më pas albumet e saj të shiten.

Për t’i vënë kapakun shfaqet një foto e cila hedh poshtë gjithçka ishte paraqitur deri tani. Duket se dyshja nuk është njohur në mbrëmjen e madhe të Met Gala ku u fotografuan duke kërcyer dhe duke ia kaluar mirë, por një natë më parë. Në festën pre-Met Gala është shkrepur një foto e Hiddleston duke dalë nga dera me Taylor që duket e fshehur pas tij duke e parë, sikur po ruhet nga diçka. Dhe nga fytyra e Taylor, ajo foto duket se merr të gjitha tiparet e një fotoje inkriminuese. Fundja, një fytyrë fajtore mjafton për të thënë gjithçka. 

Të nesërmen në Met Gala Tom do të skuqej kur do ta pyesnin për Taylor Swift. I vënë në siklet, ylli i "Thor" tha që ishte shumë "sharmante", më shumë nga ç'mund të rezistojë ai mesa duket.