Nuk munguan surprizat dhe as hyrjet e reja, por froni duket se do të na sjellë risi. Sërish në fron është Blunt dhe Real dhe si të mos mjaftonte dominimi disajavor i vendit të parë, kanë vendosur të marrin edhe vendin e dytë. Duket se e vetmja këngë që mund të zbriste “Presion” nga froni ishte “Vera”, një tjetër realizim i dyshes së suksesshme të hip hop. Vendi i tretë është marrë menjëherë nga Butrint Imeri me hitin e tij të ri, “Kanga Jote”, vetëm pak ditë pasi kjo këngë u publikua. Por artisti i ri dhe i talentuar nuk është mjaftuar me kaq pasi ka rrëmbyer dhe pozicionin e pestë me “Eja Eja’, e cila nuk mungon asnjëherë nga 10 këngët e preferuara shqip. Në vend të katërt, ndërmjet Butrintit dhe vetes së tij është ngjitur Alban Skënderaj me “Unë dhe Ti”. Por hyrjet e reja nuk janë mjaftuar vetëm me këngët e reja të Butrintit dhe Blunt & Real, pasi pjesë e këtij klasifikimi janë bërë dhe Eranda Libohova me ‘Pa Mua”, Noizy me “Grande” dhe Cozman me “Si Dje”. Ja klasifikimi i plotë.

1. Blunt & Real - Vera 

2. Blunt & Real - Presion 

3. Butrint Imeri -Kanga Jote 

4. Alban Skenderaj - Une dhe Ti

5. Butrint Imeri - Eja Eja 

6. Era Istrefi - Bon Bon 

7. Eranda Libohova - Pa Mua 

8. Noizy - Grande 

9. Dafina Zeqiri feat. Mixed - Liri 

10. Cozman - Si Dje 

Vazhdoni të votoni për të ngjitur këngën tuaj të preferuar shqip në fron javën tjetër.