Kënga 'Plas' e këngëtarit dhe kantautorit Flori Mumajesi është shpallur fituese e festivalit të Këngës Magjike 2018.

Më këngën ‘Plas’ këngëtari jo vetëm që iu rikthye muzikës pas një pauze të gjatë, por ajo u prit mjaft mirë nga kolegët, të cilëve Flori u rrëmbeu zemrën duke bërë që ata ti jepnin pikët maksimale në konkurim.

Kënga krijoi dhe thashetheme të shumta sepse u mendua se ajo ishte një dedikim dashurie, por Flori u kujdes vetë që të shpjegonte kuptimin e saj.

‘Duke qenë se është spekuluar aq shumë për këtë këngë sikur është një dedikim, sot e them për
herë të parë se është një dedikim për personin më të rëndësishëm të jetës sime: Të dua mam’, u shpreh ai në mes të skenës, ndërkohë që dhe duartrokitjet e zjarrta të publikut nuk reshtën së mbështeturi.

Lista çmimeve:

“Best Baladë” iu dha këngëtarit Flori Mumajesi.

“Çmimi i Interpretimit” iu dha këngëtares Era Rusi.

Me çmimin “Best Performance” u vlerësua këngëtarja Ronela Hajati.

“Etno Trend” iu dha këngëtarëve Artiola Toska dhe Bruno.

Me çmimin “Best to Invest” u vlerësua këngëtarja Krusita.

“Magjia e Parë” iu dha këngëtarëve Lorenc Hasrama dhe Olsi Bylyku.

“Çmimi RTV21” iu dha këngëtarëve Ardit Çuni dhe Daniela Toçi.

“Best Male Voice” iu dha këngëtarit Mentor Haziri.

Me “Çmimin e Kritikës” u vlerësua këngëtarja Rozana Radi.

“Çmimi i Produksionit” iu dha këngëtares Kejsi Tola.

Çmimi “Euro Trend” iu dha këngëtarëve italianë Manuel Moscati dhe Matteo Becucci.

“Best Artist on Web” iu dha këngëtarëve Fifi dhe MC Kresha.

“Best Duet” iu dha këngëtarëve Flori Nazifi dhe Inis Neziri.

“Kënga stil” iu dha këngëtarëve Rovena Dilo dhe ONAT.

“Çesk Zadeja” ishte çmimi që iu dha këngëtarit Erik Lloshi.

“New Artist” ishte çmimi që iu dha këngëtares Wendi Mancaku.

Çmimi i “Televizionit Klan” ishte çmimi që iu dha këngëtarit Klajdi Haruni.

“Best Grup” ishte çmimi që iu dha grupit Revolt Klan.

Venera Lumani ishte këngëtarja e parë që çeli mbrëmjen dhe u vlerësua me çmimin “Best Female Voice”.