Forbes ka publikuar artikullin për fitimet e aktoreve në televizion dhe ajo që fiton më shumë ndoshta nuk është ajo që mendoni ju.

Bëhet fjalë për Sofia Vergara e cila fitoi 42.5 milionë dollarë gjatë 2017-18 sipas revistës “Forbes”.

Vergara është bërë e njohur në serialin komik “ Modern Family”, por më tepër se gjysma e të ardhurave të saj, aktorja i merr nga sponsorizimet e kompanive të ndryshme dhe nga të drejtat e autorit që ajo zotëron.

Në vend të dytë renditet Kaley Cuoco ose Penny në serialin “Big Bang Theory”. Lista e plotë e aktoreve më të paguara për periudhën 1 Qershor 2017 deri në 1 Qershor 2018 është si më poshtë: Sofia Vergara, Kaley Cuoco, Ellen Pompeo, Mariska Hargitay, Julie Boëen, Mayim Bialik, Melissa Rauch, Kerry Washington, Claire Danes, Pauley Perrette.