Nëse do të pyeteshin njerëzit, ata do vinin bast, që iPhone7 do të dalë në treg, në muajin shtator, ashtu si edhe herët e tjera kur Apple ka lançuar ndonjë telefon të ri, por këtë herë ka gjasa, që mund të ndodhë më herët.

Por e veçanta e këtij smartphone-i është se sipas raportimeve ai do të jetë rezistent ndaj ujit. Burimet e TechRadar kanë bërë të ditur se Apple ka testuar sistemin e rezistencës ndaj ujit dhe butonin e ri “Home”, i cili është përshkruar më shumë si “sensor” sesa buton aktual. Gjithashtu është raportuar se iPhone i ri nuk do të ketë portin tradicional për kufje, por Apple ka vendosur që kufjet të përdoren me wireless.