Profesori i psikologjisë, John Gottman,i cili është i specializuar në qëndrueshmërinë e martesës dhe i njohur si “Ajnshtajni i dashurisë”, mund të parashikojë nëse një çift do të divorcohet ose jo. Këtë e bën duke i kushtuar vëmendje disa detajeve që duken si të parëndësishme. Ai thotë se janë 4 tregues kryesorë që do të çojnë në një prishje të marrëdhënies, të cilët janë:

Kritika

Kritikat që nxjerrin në pah një dobësi të partnerit. Në vend që të thoni “je e paaftë, sërish nuk i ke larë enët”, duhet të thoni “jam i uritur dhe nuk ka asnjë pjatë të larë“.

Mbrojtja

Kur mbrohesh jep përshtypjen se nuk të intereson se çfarë thotë partneri dhe nuk të intereson si ndihet. Mospranimi i asnjë kritike ose ankese prish marrëdhënien, pasi tregon mungesë përgjegjshmërie. Duke u mbrojtur, praktikisht po thoni se nuk e keni fajin ju. Mbrojtja e përshkallëzon konfliktin.

Barriera

Largimi nga një diskutim është shumë i dëmshëm, pasi bën që konflikti të mos zgjidhet.

Mospërfillja

Nëse tre të mësipërmet janë gjëra normale që ndodhin në çdo lidhje, mospërfillja duhet eliminuar sa më parë. Ajo tregon një marrëdhënie abuzive, ku njëri është poshtë tjetrit. Gottman thotë se tallja e partnerit është helmi i marrëdhënies.