Pritjes po i vjen fundi, dhe Kosova do të pranohet zyrtarisht në UEFA brenda këtij viti.

Shtëpia më e madhe e futbollit evropian, UEFA ka caktuar 3 majin për mbledhjen e radhës.

Kjo datë do të futet në histori të futbollit kosovar, pasi po atë ditë pritet pranimi me të drejta të plota i Federatës së Futbollit të Kosovës.

“Nëse aprovohet Kosova si anëtare e 55 e UEFA-së, pritet që ata të kërkojnë anëtarësimin e plotë në FIFA, që do t’i lejonte atyre pjesëmarrjen në kualifikime për Kampionatin Botëror “Rusia 2018”“, ka shkruar më tej njoftimi nga UEFA.