Peshqit janë shumë ëndërrimtarë

Njerëzit e shenjës së peshqve janë shumicën e kohës të përhumbur në imagjinatën e tyre. Janë ëndërrimtarë, por këto ëndrra mund t’i bëjnë të duken të ftohtë dhe të mbyllur. Duhet të dini se njerëzit e shenjës së peshqve janë të pavendosur, dhe e kanë të vështirë të mbajnë një qëndrim të caktuar ndaj gjërave. Duhet t'i nxisni ata të marrin vendime të caktuara.

Nuk janë shumë të zotë me gjërat prej të rrituri

Le të themi se përpikmëria nuk është karakteristikë e peshqve. Duke qenë shumë të njëhsuar me problemet dhe ndjenjat e të tjerëve, ata shpesh i shpërfillin përgjegjësitë, si gjëra të vogla e të parëndësishme. Mos ua merrni për mungesë vëmendjeje apo papërgjegjshmëri.

Peshqit janë të prirur ndaj varësive

Përsëri për shkak të natyrës që kanë, e cila i shtyn t’a vënë veten vazhdimisht në vend të të tjerëve, janë shumë të ndjeshëm ndaj gjërave që mund të kthehen në varësi. Ata mund të bien pre e alkoolit, pasi përpiqen të heqin mendjen nga ndjesitë e këqija që përjetojnë. Ndaj, më e mira është të tregoheni të butë me ta; njerëzit e shenjës së peshqve nuk janë nga ata që dhimbja i bën më të fortë.

Peshqit janë shumë të dashur me të tjerët

Shenja e Peshqve është shenja më zemërbutë e horoskopit. Dhe nuk ka asgjë që i bën të dashurohen, më shumë sesa njerëzit që vuajnë nga moskuptimi. Me ta duhet të keni zemër dhe mendje të hapur; do t’ju duan dhe do t’ju besojnë përgjithmonë.

Jini edhe ju të dashur

Jo vetëm me partnerin tuaj të shenjës së Peshqve, por edhe me të tjerët. Një peshk tipik vëzhgon edhe mënyrën sesi silleni me të tjerët. Nëse shikon se jeni të mirë, dhe të kuptueshëm, dhe i ndihmoni të tjerët ashtu siç bën edhe ai, do t’ju vlerësojë tejmase!