Kombëtarja jonë përfaqësuese ka dy ditë që është grumbulluar në kompleksin Waldersdofer në Austri, në kuadër të përgatitjeve për pjesëmarrjen në “Euro 2016”. Grumbullim gjatë të cilit do të zhvillojë 2 takime miqësore, me Ukrainën dhe Katarin.

Trainerët italianë, janë të njohur për rregullat strikte dhe disiplinën në ekipet e tyre, kështu që nuk mund të bënte përjashtim edhe traineri i kombëtares sonë, Gianni De Biasi. Në mënyrë që lojtarët të jenë sa më në formë, dhe të përqëndruar për objektivat e vëna, tekniku Italian u ka vendosur disa rregulla.

 Ja rregullat e De Biasit në Austri:

- Nuk ka takime për dy javë me familjarët apo partneret.
- Nuk lejohen celularët gjatë kohës së ushqimit.
- Nuk ka dalje nga dhoma pas orës 23:00

Traineri ka qënë disi liberal për vendosjen e lojtarëve nëpër dhoma. Ai ka vënë vulën e listës por ka marrë parasysh dhe miqësitë moshën apo preferencat personale të lojtarëve.