Sonte zhvillohen ndeshjet e fundit të fazes së grupeve për grupin A. Franca mikpritëse do të përballet me Zvicrën ku ekipi i Deschamps ndodhet në kuotën e 6 pikëve pas 2 fitoreve, dhe kombëtarja helvete në kuotën e 4 pikëve. Dhe padyshim ndeshja ku do të jetë e gjithë vëmendja jonë ku për 90 minuta do të jemi me zemër në dorë, është përballja Rumani-Shqipëri që do të luhet në stadiumin e Lionit. Të besuarit e De Biasit kanë premtuar se do japin maksimumin e tyre për të arritur një rezultat pozitiv e për të shpresuar te një kualifikim si një nga vendet e treta më të mirë nga të gjithë grupet. Të njëjtën gjë ka deklaruar edhe trajneri italian i kombëtares sonë, duke thënë se do luajë të gjitha kartat që ta mposhtim Rumaninë.

Kompanitë e basteve kanë zgjedhur favoritë për këto sfida, kombëtaren e Francës dhe atë Rumune. Mirëpo edhe lexuesit e intv.al nëpërmjet votimeve të shumta e kanë bërë zgjedhjen e tyre. Kemi treguar që jemi një ndër ekipet më tifozerinë më  të mirë në të gjithë Europën, dhe këtë tifozllëk na e kanë vërtetuar edhe lexuesit tanë, ku nëpërmjet votave të tyre, kanë zgjedhur Shqipërinë si kombëtaren që do të kualifohet nga grupi A, përkatësisht me 46.5 %. Në vendin e dytë renditen “Gjelat” me 23.3 % të cilët tashmë e kanë siguruar kualifikimin. 16.3 % e lexuesve kanë votuar për një kualifikim të mundshëm të Zvicrës, dhe 12.8% për Rumaninë.