Moti për ditën e sotme pritet të jetë me kthjellime përgjatë paradites në zonat Veriore dhe Qendrore, ndërsa vranësirat do jen të përqendruar në jug të vendit.

Pjesa e dytë e ditës, do të vijojë nën ndikimin e kthjellimeve në zonat veriore dhe ultësirën perëndimore, ndërsa vranësira kalimtare do të shfaqen herë pas here në zonat juglindore të vendit.

Sipas MeteoAlb, temperaturat e ajrit do mbeten konstante gjatë mëngjesit, por një rritje të lehtë të temperaturave do të sjellin orët e mesditës.

Era do të fryjë e lehtë dhe mesatare me shpejtësi prej 32 km/h nga drejtimi verior dhe veriperëndimor duke gjeneruar në det dallgëzim 2 – 3 ballë.