Femrat vështirë të kuptohen. Në momentin që takoheni, në mendjen e saj vërtiten shumë gjëra.

Me fjalët dhe gjestet e duhura, shumë lehtë aju mund ta tërhiqni vëmendjen e saj.

Mënyra si afroheni

Truri i saj menjëherë e mat gjatësinë dhe simetrinë e fytyrës tuaj në momentin që takoheni. Tani duhet ta bindni për karakterin që keni. Afrojuni me plot vetëbesim. Është mirë të flisni përballë njëri-tjetrit dhe ta mbani tërë kohën kontaktin me sy.

Mënyra si prezantoheni

Një shtrëngim i mirë i dorës nuk është rrugë e shkurtër për të fituar simpatinë e saj. Megjithatë një shtrëngim i keq i dorës mund t’jua rrënojë të gjitha shanset që i keni me të. Duart janë të mbushura me nerva dhe personat me shtrëngime të dobëta të dorës perceptohen si të turpshëm. Prandaj mbajeni pijen me dorën e majtë dhe shtrëngojani mirë dorën.

Zëri juaj

Femrat më joshëse i preferojnë meshkujt me zë të thellë, sipas hulumtuesve skocezë. Zëri i thellë sugjeron për nivele të larta të testosteronit, shenjë e forcës dhe fuqisë riprodhuese. Ajrin nxirreni me diafragmë e jo me fyt. Kjo e zgjat kolonën e ajrit që lëviz përgjatë telave tuaj të zërit dhe ju ndihmon të tingëlloni më mirë.

Hapni ndonjë temë

Thoni diçka që thekson detaje rreth saj. “Su jeni njihur me shoqen?” është mundësi për të folur për të kaluarën e saj. Krijimi i një lidhje të tillë liron dopaminë, gjë e cila ia përmirëson asaj disponimin.

Komunikimi

Një tjetër këshillë komunikimi që duhet ta keni parasysh: flisni me të njëjtin ritëm si ajo dhe ajo do t’ju konsiderojë si inteligjent, zemërgjerë, me plot vetëbesim dhe ambicioz.