Mbrëmjen që shkoi ishte mbrëmja më e frikshme e vitit, në të cilën shumë nga personazhet e famshëm shfrytëzuan të gjitha maskimet e mundshme për të ndryshuar paraqitjen e tyre. Gara ishte kush të bëhej më i frikshëm, megjithatë jo të gjithë e realizuan qëllimin. Ka nga ata personazhe, kryesisht femrat, të cilat preferuan të nxirrnin në pah sensualitetin dhe fizikun e tyre më tepër, sesa të bëheshin vërtet të frikshme. Ja disa nga personazhet e Hollivudit dhe botës së modës që e festuan Halloween-in.

Motrat Kardashian dhe Jenner ishin ato që e kishim marrë më seriozisht se kurrë këtë festë. Ato u transformuan në ëngjëjt e “Victoria’s Secret” në Los Angeles. Por nuk ishte kjo e vetmja maskim i tyre për festën e mbrëmshme, pasi motrat shpalosën një sërë pamjesh të ndryshme.

Kim Kardashian u transformua si Pamela Anderson me korsenë joshëse, të cilën Pamela e kishte veshur në vitin 1999 në Video Music Awards.

Kendall Jenner ishte shndërruar si personazhi femër i “Austin Powers”

Kourtney Kardashian si Ariana Grande e cila ka shkruar “God is a woman”

Kylie Jenner dhe Stormi njëherë u shndërruar si dy flutura, por edhe njëherë si moti me stuhi. Por Kylie nuk u mjaftua vetëm me këto dy shndërrime në këtë “Halloween”. Ajo ishte tranformuar edhe si një Barbie bjonde.

Beyonce këtë Halloween nuk ka zgjedhur të vijë frikshëm, por ajo zgjidhi të vijë e maskuar si një tjetër Diva. Në shenjë falenderimi për muzikën e mirë që Toni Braxton i dha botës, Beyonce është futur nën “lëkurën” e saj dhe vlen të theksojmë se ngjashmëria është e madhe.

Heidi Klum, një nga supermodelet më të famshme në botë për Halloween u shfaq si Princesha Fiona ndërsa i dashuri i saj si Shrek.

Një nga çiftet që nuk njihej ishte Bella Hadid dhe The Weeknd. Supermodelja dhe këngëtari u veshën si Beetlejuice dhe Lydia në filmin klasik ‘Beetlejuice’ të vitit 1988.

Ndërkohë që Gigi Hadid nuk sihte shqetësuar për të patur një look perfekt për këtë festë, por modelja thjesht kishte vizatuar një gjysëm kungull në fytyrë që është edhe simboli i Halloween-it.

Chrissy Teigen dhe John Legend u shndërruan si anëtarët e familjes mbretërore britanike, të veshur si Mbretëresha Elizabeta dhe Princi Charles.

Supermodelja Winnie Harlow shkëlqeu dhe ishte shumë sensual nën lëkurën e RuPaul Charles.

Anne Hathaway, aktorja dhe ikona e stili ishte shndërruar si mumje.

Jessica Alba dhe vajza e saj e madhe ishin shndërruar si ‘Unicorn’ dhe dukeshin kaq bukur.