Sot vëmendjen më të madhe në gjirin e Sarandës e tërhoqi një jaht superluksoz. Jo vetëm pushuesit, por edhe personazhet e njohur shqiptarë mbetën të habitur, të cilën e shprehën duke e postuar në Instastoriet e tyre. Dy prej tyre janë edhe moderatorët Eni Shehu dhe Eva Murati.

“Çfarë është kjo”, shkruante Eni, ndërsa Eva e cilësonte si anije kozmike.

Gjithashtu edhe vetë kryeministri Edi Rama, nëpërmjet një video në ‘Instagram’ tregoi se ai ishte jahti më i madh në botë.

Ka qenë Eni Shehu ai i cili pas disa hulumtimeve të bëra në ‘Google’ zbuloi se jahti superluksoz i përkiste një miliarderi rus, Andrey Melnichenko. Miliarderi ka dy jahte të mëdhenj, të cilët kapin shifrën prej 300 milionë dollarësh.