Nëse do zgjidhnim çiftet e të famshmëve më simpatikë në botë, Gigi Hadid dhe Zayn Malik do ishin një ndër çiftet më të bukur. Lidhja e tyre ka patur shumë luhatje dhe atëherë kur u duk se u konsolidua, para disa muajsh qarkulluan lajme se ata janë ndarë pasi nuk i festuan festat e fundvitit bashe dhe nuk janë parë më bashkë në publik që në datën 5 tetor.

Madje me anë të një shkrimi, Gigi para disa muajsh shprehej:

“Nuk të përkas ty. Nuk të detyrohem asnjë shpjegim mbi veten përvec atyre që dua unë të ti tregoj. Nuk të kërkoj forcë kur jam e dobët. Nuk të detyrohem përgjigje kur ti pyet”.

Por këtë mëngjes, Zayn u zgjua i frymëzuar dhe i dërgoi Gigi-t një koment dashurie:

“@GiGiHadid të dua”, thuhej në komentin i cili u fshi shumë shpejt nga këngëtari.

Është e mundur që Zayn ka dashur të tregojë se ai dhe Gigi janë kthyer së bashku, por gjithashtu është e mundur që ai ende ndjen dashuri platonike për modelen me të cilën ka kaluar pothuajse katër vite të jetës së tij.