Kryebashkiaku Erion Veliaj ka listuar sot shërbimet që studentët do përfitojnë falas ose me çmime të reduktuara pasi të pajisen me kartën e studentit. Ai bëri të ditur se Bashkia e Tiranës do fillojë punën fakultet më fakultet, në të njëjtën mënyrë siç është dhënë karta e identitetit dhe pasaporta në zyrat e “Aleat”.

Më poshtë lista se çfarë përfitojnë studentët nga karta e studentit.

TRANSPORTI PUBLIK

Tarifa për transportin qytetas - Aboneja e studentit ka vlerën 600 lekë për një muaj

Tarifa për transportin rrethqytetas –Studentët nëpërmjet kartës së studentit do të përfitojnë abonenë e studentit sipas ligjit përkatës.

- Studentët do të hyjnë me çmime të reduktuara në të gjithë muzetë dhe galeritë e kryeqytetit.

TEATRO DHE KINEMA

1. Teatri Kombëtar / ArTurbina
Fundjava çmimi i biletës për të gjithë- 300 L.
Të mërkurë të enjte çmimi për të gjithë 150 L.

2. Teatri Kombëtar Eksperimental “Kujtim Spahivogli”
Çmimi për Studentët – 200 L.

3. Teatri Metropol
Çmimi për Studentët – 300 L.

4. Kinema Millenium
Për Studentët – 20% ulje për ata që kanë kartën e studentit.

5. Kinema Imperal, Studentët përfitojnë – 10% ulje.

6. Kinema Cineplexx
Çmimi standard në 2D– 600 L.
Studentët – 450 L.
Çmimi standard në 3D– 750 L.
Studentët – 600 L.
Adresa: Qendra Tregtare TEG

Asetet në varësi të APR- së.

1. Reja
Për aktivitete biznesi – 20.000 lekë / ora.
Për aktivitete edukative (shoqata) – 5000 lekë / ora.
Për aktivitete të zhvilluara nga studentët - falas
Adresa: Bulevardi Dëshmorët e Kombit
Përballë GKA

2. Parku i Madh i Liqenit Artificial Tiranë
Çmimi i biletës për frekuentimin fushave sportive në PMLAT:
Fusha e futbollit - 400 lekë / ora / personi, për orët e natës me ndriçim në fusha me bar.
200 lekë / ora / personi, ditën pa ndriçim në fusha me bar.
Fusha e volejbollit –100 / lekë / ora / personi.
Fusha e basketbollit –100 / lekë / ora / personi.
Studentët (arsimi publik) tarifohen 50%, me detyrimin të paraqesin një dokument vërtetues.

3. Kopshti Zoologjik
Çmimi i biletës – 100 L
Adresa: Liqeni i Thatë

SHËRBIMET FALAS QË OFROHEN NGA BASHKIA TIRANË

1. Qendra Multifunksionale TEN
Salla e madhe me qera 5000L/ora.
Nëse realizohet në bashkëpunim me qendrën TEN, salla është falas.
Adresa: Rruga Myslym Shyri

2. Bibliotekat e Lagjeve
Çdo student i pajisur me kartë mund të regjistrohet në çdo bibliotekë dhe të shfrytëzoj hapësirat për lexim dhe aktivitet falas.

3. Sheshet Publike
Çdo student apo grup studentësh të pajisur me kartë mund të zhvillojnë aktivitetet e tyre në sheshet publike falas, duke ndjekur procedurat e marrjes së lejes pranë Bashkisë Tiranë.