Instagram nisi si një platformë e dedikuar vetëm për fotografitë, por pasi u ble nga gjiganti Facebook, gjërat filluan të rrjedhin ndryshe, dhe Instagram po përditësohej me kohën. Si fillim u prezantuan videot, më pas stories dhe shumë e shumë opsione të reja.

Së fundmi kanë qarkulluar disa teori që konsistojnë në faktin se vaksinimi nuk është i mirë dhe Instagram ka marrë masa ndaj tyre. Kompania do të bllokojë çdo hashtag që tregon vazhdimisht informacion të rremë në lidhje me vaksinat, të tilla si: vaksina shkakton autizëm apo vaksina vret. Krijimi i një hashtag-u të tillë nuk do të gjejë më vend tek përdoruesit, pasi menjëherë do të bllokohet. Instagram ka zgjeruar fushën e veprimit menjëherë pasi CNN zbuloi se hashtag-u #vaksinavret ishte duke u përdorur masivisht.