Tashmë reperi Wiz Khalifa ka vendosur të çojë më tutje kauzën e tij, duke lajmëruar se ka lidhur një marrëveshje me një kompani prodhuese të marijuanës në Colorado, për krijimin e një linje të re produktesh shoqëruese. "U bënë vite që po përpiqemi t'i perfeksionojmë këto produkte" ka thënë Wiz teksa është shprehur i entuziasmuar për bashkëpunimin me kompaninë RiverRock. Në fakt autori i hitit "See You Again" ka vite që ka nisur "fushatën" e tij, duke postuar shpeshherë në Instagram foto duke tymosur sasi të mëdha marijuane. Madje sipas Forbes, albumi i ri i Wiz Khalifa-s përflitet se do të quhet "Rolling Papers 2: The Weed Album"...dhe kjo e fundit besojmë nuk ka nevojë për përkthim!