Jennifer Aniston ka njoftuar se do të bëhet mama e dy vajzave. Aktorja 47-vjeçare është përfolur që në fillimet e karrierës së saj se nuk donte të bëhej nënë, megjithatë më në fund është bindur për të kundërtën. Pasi surprizuan miqtë e tyre me dasmën sekrete, Jenni dhe i shoqi Justin Theorux, tani më i kanë dhënë atyre lajmin e mirë se do të krijojnë një familje duke adoptuar 2 vajza. Ka qenë revista OK! ajo që ka raportuar lajmin duke saktësuar se vogëlushet janë motra, njëra 3 dhe tjetra 4 vjeç. Ndërkohë bëhet me dije se ka qenë mikesha e Aniston, Sandra Bullock, ajo që e ka nxitur dhe po e ndihmon aktoren me proçesin e adoptimit i cili edhe për pak kohë do të qëndrojë larg vëmendjes së mediave. Kjo pasi sipas Bullock e cila ka eksperiencë në tilla gjëra falë vajzës së saj të adoptuar, 3-vjeçares Laila, çdo familje kërkon kohë për t'u krijuar. Lajm më të mirë nuk mund të merrnim nga Jennifer Aniston!