Aktorja e super-paguar e Hollywood tashmë po kthehet kundër industrisë që e bëri atë një yll. Bukuroshja 25 vjeçare ka sulmuar industrinë kinematografike për shkak se sipas saj përqëndrohet më shumë në pamjen fizike të një aktori se sa në talentin e tij. Jennifer është deklaruar për revistë Grazia me tone të forta, duke thënë se urren gjithë vëmendjen që I kushtohet peshës dhe pamjes në këtë botën e aktrimit. Ajo thotë se nuk mendon që një aktore duhet të jetë e dobët që të duket tërheqëse dhe diçka e tillë jep një mesazh të keq për vajzat e reja. Sipas Lawrence, një aktore duhet të fokusojë gjithë punën e saj rreth talentit, mbi të cilin duhet të punojë. Një mesazh  i fortë i cili kur vjen nga një emër si ylli i “Hunger Games”, dëgjohet më shumë në veshët e industrisë së pushtetshme kinematografike.