Dihet tashmë që Jennifer Lopez është edhe një ikonë mode. Këngëtarja e njohur është fotografuar se fundmi e evshur me një këmishë- fustan të bardhë, por ajo që ka tërhequr vëmendjen kanë qenë çizmet e saj që ngjanin me një palë pantallona xhins.

Çizmet në fjalë janë pjesë e koleksionit të Versace dhe nëse nuk do të kishin takë mund të ishin fare mirë pantallona xhinsi. Me xhepa në pjesën anësore dhe madje të shoqëruara edhe me rrip duke dhënë idenë e një palë pantallonave të mirëfillta xhins. J Lo e kombinoi këtë “krijim” që me siguri do të kthehet në tendencë, me një çantë Hermes Birkin. Edhe këtë herë tërhoqi vëmendjen e të gjithëve.