Nuk ka fund skandali për Jim Carrey dhe të dashurën e tij të ndjerë që u vetëvra pak kohë më parë. Aktori ikonë i humorit është aktualisht në një betejë ligjore me ish bashkëshortin e Cathriona White, Mark Burton. Ky i fundit e kishte akuzuar se ishte pikërisht Carrey ai që ia kishte blerë Cathriona-s ilaçet me të cilat ajo u vetëvra, pasi kjo e fundit nuk i blinte dot vetë për shkak të historisë së saj me përpjekjet për vetëvrasje. Tashmë dalin në pah dhe disa detaje të tjera, që rastis të jenë njësoj tronditëse. Burton pretendon në akuzën e tij se Carrey i ngjiti ish të dashurës 3 lloje sëmundjesh seksualisht të transmetueshme, ndër të cilat dy herpes të ndryshëm dhe gonorrean. Sipas Burton, Carrey ia ngjiti me vetëdije të plotë, dhe kur Cathriona iu ankua se kishte marrë sëmundjet nga ai, artisti 54 vjeçar e braktisi dhe i tha të mos e kontaktonte më, por të fliste me sekretaren e tij. Për të dëshmuar vërtetësinë e akuzave të tij, Burton sjell screenshot-e të mesazheve mes Carrey dhe make-up artistes së ndjerë.