Me një stil të veçantë, make up të rëndë shumëngjyrësh dhe shumë perla në qafë është shfaqur këngëtarja me origjinë shqiptare, e cila në intervistën e saj ka folur edhe për eksperiencat dhe projektet e saj të reja! Ndër të tjera, 26-vjeçarja ka ndarë një moment triumfi kur ka treguar se është kthyer në dyqanin e atleteve ku punonte përpara se të bëhej e famshme, një vend që Rita thotë se e urrente, dhe pa të reklamuara ‘snikersat’ e dizenjuara prej saj. Artistja pranoi se ai ishte një nga momentet më të bukura në jetë, ku ndjeu se vërtetë kishte arritur shumë!