Një përqindje e popullatës së Shqipërisë nuk ka akses për të konsumuar ujë nga burime të sigurta. Sipas një raporti të OBSH-së të publikuar nga revista britanike “The Independent” në vendin tonë 10 përqind e popullësisë nuk konsumon ujë nga burime të sigurta. Një gjendje e tillë karakterizon edhe vendet e tjera të Ballkanit. Në Greqi raportohet një siguri më e lartë.

Vendet problematike vijojnë të jenë disa shtete afrikane, të Lindjes ë Mesme si dhe Amerikës Latine. Por cilat burime ujë konsiderohen të sigurta? Sipas raportit, për t’u konsideruar “i sigurt”, një burim uji i pijshëm duhet të jetë i lirë nga patogjenët dhe nivelet e larta të substancave të dëmshme. Në nivel global, shqetësimi kryesor shëndetësor është ndotja nga prania e baktereve si E.coli. Në shumë vende, uji mund të jetë i kontaminuar nga ujërat nëntokësore të cilat preken nga elementet e gabuara, ose kontejnerët që njerëzit përdorin për të mbajtur dhe ruajtur ujin mund të përmbajnë gjurmë të baktereve.

Organizata Botërore e Shëndetit / Programi i Monitorimit të Përbashkët të UNICEF-it i jep këto të dhëna që përfshijnë monitorim në 17 vitet e fundit.