Një makinë me pilot automatik që merr fuqinë nga energjia diellore do të shkojë në Hënë , kjo është shpikja më e fundit teknologjike.

Japonia po planifikon një shëtitje në hënë dhe dëshiron që astronautët të eksplorojnë sipërfaqen hënore me një automjet të ndërtuar nga kompania japoneze Toyota.

Agjencia japoneze për zbulimin e hapësirës ajrore (JAXA) dhe Toyota njoftuan se do të bashkëpunojë për krijimin e një lloji të veçantë automjeti, të quajtur ‘Rover’, brenda të cilit astronautët mund të qëndrojnë pa kostumet hapësinore.

Mjeti i prezantuar përmes grafikëve kompjuterike është i ngjashën nga pamja me një tank dhe ka një madhësi gati sa dy furgonave.

Makina është e pajisur me një bateri të ri-karikueshme me hidrogjen dhe është konceptuar për të përshkruar në total rreth 10.000 kilometra në Hënë”, sqaroi Toyota gjatë një prezantimi në një forum për eksplorimin e hapësirës në Tokio.

Automjeti nuk do të ketë nevojë për një shofer pasi do të vetë-lëvizë. Toyota, parashikon se makina do të jetë e gjatë rreth 3.8 metra duke e cilësuar të mjaftueshme për dy njerëz, ose katër në rast emergjence.

Ky mision, i planifikuar të zgjasë rreth dhjetë vite deri në 2029, ka interes të shtuar global për Hënën, e cila u shkel për herë të parë nga njeriu në 1969, personalisht nga Neil Armstrong.