Jonida Vokshi prej vitesh tashmë ka nisur një lidhje dashurie me aktorin e njohur kosovar Besnik Krapin, të cilën e bëri publike vetëm pak kohë më parë.

Aktorët janë njohur gjatë serialit “O sa mirë” dhe që prej aty kishin vendosur ta mbanin private lidhjen e tyre.

Pas më shumë se katër vitesh bashkë tashmë ata janë gati për hedhjen e hapit të madh, martesës.

Jonida Vokshin duket se do të kemi mudnësi ta shohim nuse në shtator dhe për këtë arsye në intervistën e fundit për “Prive”, ajo ka folur edhe për detajet.

I pyetur nga gazetari për traditat zakonore që Prizeni ka në rastin e nuses, e cila duhet të veshë një jelek dhe dimijen, aktorja u përgjigj:

“Në fakt jo vetëm ne duhet të njohim traditat e juaj, por edhe Kosova ato tonat. Kështu që unë dhe Besniku për t’i shmangur këto probleme kemi vendosur të bëjmë një dasmë jashtë zakoneve”.

Në këtë mënyrë na mbetet të presim për fotot nga ceremonia.