Ndër lajmet më të komentuara sot është ndarja e mundshme e çiftit të dashur Zayn Malik dhe Gigi Hadid. Këto aludime kanë lindur për shkak se ata të dy nuk janë parë dhe fotografuar së bashku muajt e fundit. Një burim tha se këngëtari dhe modelja mendojnë se qëndrimi larg njëri-tjetrit është gjëja më e mirë që mund të bëjnë për të shpëtuar marrëdhënien e tyre.

"Të dy janë fokusuar tek vetja dhe karriera e tyre. Zayn ka qenë në studio duke regjistruar muzikë të re dhe duke punuar për albumin e ri. Ndërsa Gigi është përqëndruar tek vetvetja,"-tha burimi.
Herën e fundit që 23-vjeçarja dokumentoi diçka nga lidhja me Zayn ishte më 21 tetor.

Ndërsa në Instagramin e këngëtarit nuk ka asnjë foto të supermodeles dhe ai nuk e ndjek në rrjetin social.