43 persona dyshohet se kanë financuar terrorizmin, për këtë arsye policia bullgare ju ka vënë prangat. Rrjeti dyshohet se ka dërguar para jashtë vendit, nëpërmjet sistemit tradicional mysliman Hawala, i cili përdor ndërmjetësit individualë në vend të bankave.

Prokurorët thanë se njëri nga të arrestuarit është shtetas sirian, me banim në Bullgari.

Policia bëri me dije se i ka bërë bastisjet në më shumë se 50 vende dhe 26 makina në shtatë qytete të Bullgarisë. Autoritetet e rendit konfiskuan 32,000 euro, dokumente dhe prova të tjera.