Si në verë, dimër, vjeshtë apo pranverë, artistët shqiptarë i dhurojnë shumë hite publikut tonë. Javët e fundit janë publikuar disa këngë që janë pëlqyer shumë nga dëgjuesit shqiptarë dhe me një kërkim të vogël në Youtube vumë re se cila prej tyre po dëgjohet më së shumti.

Bëhet fjalë pikërisht për projektin më të ri të Kidës “Edhe sa”, këngë e cila ka patur një feedback goxha pozitiv si në vendin tonë ashtu edhe në shtete ku ka shqiptarë.

Në një javë, kënga e Kidës ka gjeneruar mbi 5.2 milionë klikime dhe është kënga që është dëgjuar më së shumti nga shqiptarët, pasi ka qenë numri 1 në trending, ndërsa në Maqedoninë e Veriut (ku ka shumë shqiptarë) ka qenë numri 2.

“Edhe sa” është punuar nga producenti Mixey, ndërsa për tekstin dhe vijën melodike ka punuar reperi Mozzik. Videoklipi i këngës është tejet interesant, pasi pjesë e tij janë edhe Arta Elezaj, Kejvina Kthella dhe Megi Pojani.