Në emisionin Fun Day me Fatmën u fol për 5 super mamat single, të cilat janë:

Çiljeta Xhilaga
Ndër vite, Çiljetën e kemi parë si një nga femrat më joshëse të estradës sonë. Në fillim si miss, më pas si modele , aktore dhe si këngëtare ku vazhdon të jetë e tillë.Por u bënë disa vite që publiku është mësuar ta shohë Çiljetën edhe si një nënë, madje një nënë shembullore për djalin e saj pothuajse 4-vjeçar, Fernando, të cilin po e rrit vetë.

Inis Gjoni
Inis Gjoni ka qenë pa diskutim një nga showgirl-et më të vecanta të showbiz-it tonë ndër vite. Por përveç arritjeve profesionale dhe momenteve të gëzueshme, jeta e Inisit nuk ka qenë edhe aq e lehte. Pas ndarjes tragjike nga jeta e partnerit të saj (kur Inisi ishte ende shtatzënë), ajo u detyrua të kthehej në nënë, por edhe baba për vajzën e saj Coco Antonel.

Ingrit Gjoni
Padiskutim dhe Ingriti ka patur epokën e saj në karrierë si këngëtare , duke vazhduar të jetë e suksesshme deri në ditët e sotme , por edhe Ingriti është një nënë e cila po e rrit djalin e saj,Paridin. Ajo ia ka dalë të tregohet një mami sa më e përkushtuar ndaj Paridit, dhe këtë gjë e ka bërë mjaftë mirë.

Fjolla Morina
Të gjithë i kemi dëgjuar këngët dhe gjithashtu parë performancat ekstravagante të Fjolla Morinës. Por një pjesë e madhe e publikut nuk e di se Fjolla është nënë e dy vajzave. Më e madhja prej tyre, sot 14 vjeçe, është rritur me përkushtim dhe shumë sakrifica nga këngëtarja, sidomos pas divorcit me ish-bashkëshortin.

Rita Lati
Rita Lati është një emër që nuk ka se si mos të ngjallë nostalgji dhe emocion te të gjithë ata që u rritën me skeçet dhe humorin e saj.Profesioniste në çdo rol, ajo ka qenë shembulli dhe imazhi më i mirë për Rozën, e cila, në gjurmët e së ëmës, sot për sot është një ndër prezantueset më të veçanta dhe karizmatike të televizioneve tona.